المساعد الشخصي الرقمي

مشاهدة النسخة كاملة : ليه طيب ..؟!.

مامثليـ أحد
06-10-2009, 06:01 AM
السلاااااااااااام عليكم


صباحكم \ مساكم الله بالرضى والعافيه


بصراحه جبتلكم اليوم موضوع يحير نوعا ما وحبيت نتناقش فيه مع بعض

الي هوو دخول الفتاة مهنة الطب او التمريض او مااشابه فيما فيه اختلاط

لماذا هي حصر ع الرجال في مجتمعنا ..؟

لماذا يحكم ع الفتاة الي تخصص هذا التخصص بالعنوسه ؟

او بشكل اخص ليش الرجل يرفض كون زوجته طبيبه او ممرضه ..؟

وبعدين لا جاء يعالج حرمته مايبي الا حرمه تعالجها ..؟؟

وليش تاصل في بعض الاباء انهم يتخلون عن ممكن يتخلون عن بناتهم لودرسوا طب

طيب ليه حنا نكرف ونجيب نسب عاليه وفي الاخير ننمنع من شي كنا نحلم فيه ..؟ http://www.wn8n.com/vb/images/smiles/this[1].gif

يعني لو قلنا من ناحية الاختلاط البنت المحترمه بتقدر تصون نفسها مهما كان ..

حبيت انقل لكم تساؤل كان يراودني ..


وابي اسمع ارائكم في هالموضوع

تقبلوو خلاص ودي ..

استودكم الرحمن ..
مامثليـ أحد
ƬƕE QЏƎƎŊ
06-10-2009, 06:25 AM
والله انا اشوفها صعبه حيل
انا اعرف كثير بقسم الطب ويعلموني ان عندهم اختلاط بشكل
مايرضىاه اي اب او اخ او زوج
ومهما بلغت قمة احترمها او انها انسانه ملتزمه صعب انها تتواجد
بمكان يكون فيه رجال وتتعامل معهم بذات لو كانو في مجال الدراسهـ
والكل عارف ان من احاديث الرسول صلى الله عليه وسلم ماذكره تفصيلا
بس فيما معناه قال صوت المراءهـ عورهـ

يعني صوتها عورهـ فما بالك يكون معها بنفس المكان وغصب تدور بينهم حوارات

انا بصراحه مالوم الاهل بهالشي وانا معهم

وانا اول الناس اذا رحت مستشفى مابي الا دكتوره تكشف علي
بس مارضاها لا على نفسي ولا خواتي

بس هذا الشي تربينا عليه وانا مقتنعه فيه
واحلى شي بالبنت الحياء ولو دخلت عالم الاختلاط
بتفقد الحياء وبتصير اكثر جراءه غصب عنها مو بيدها
ومجالات الدراسه كثيرهـ عندنا الحمدلله
ونختار الشي الي يرضاه ديننا واهلنا
ام العنود
06-10-2009, 06:36 AM
ونا معك كوين بس المشكله في ممرضات ودكتوراات قمه في الادب والحشمه وسعوديات بعد بس في بنات والله انك تنكسفي انهم سعودياات ايش مريول الترميض ضييق ولا ماشالله تكون دبه والطرحه قصيره والعطر ونص الوجه مكشووف واشوي متغطي وضحكهم لاخر الممر بالله يوم الرجال يشوفوا ذي المناظر كيف تبيهم يفكروا يتزوجوا اكيد بيفكروا كل الممرضات سواء !!!!,,,,
ولا يسولوفو الممرضات مع الدكاتره كانووا اخوها يااما شفت مناظر مثل كذا ووناسه ماشالله وضحك!!!!!!!!!!!!!!
شوفي الشر يعم والخير يخص اكثر الممرضات الطيبات والمحتشمات والله العظيم انهم انظلموا بسبب هذول النوعيه الله يحمينا منهم
مامثليـ أحد
06-10-2009, 07:45 AM
الموضوع مهم جداً وبقولكم رأيي
مع إني أرى ان الفئة الرافضة بدأت تتحرر من رفضها نوعاً ما
نتكلم بالترتيب :
* المجتمع في أمسّ الحاجة لطبيبات ، ومثل ماقلت لا جا الجد راح يدور لبنته / زوجته / اخته .. طبيبة !
لو قلنا اجنبيات ؟ هل تقارن اليد العاملة الوطنية باليد العاملة الأجنبية ؟
حريمنا أكيد وبدون شك ألطف فينا
* هل العمل كـ طبيبة مُحرم ؟ طبعا ً لا
الصحابيات امتهنوا هالمهنة من عهد الرسول عليه الصلاة والسلام وكانوا يطببون الصحابة أثناء المعارك
* بالنسبة للاختلاط ،
معليش يعني بس أنا أعتبر هذا عذر سخيف !
ياخي على الأقل اللي ما اعجبه الوضع يطالب بعدم الاختلاط ،
يطالب بوضع مستشفيات نسائية
بعدين الاختلاط مو شي مرفوض بحد ذاته
هم ماقاعدين يختلطون عبث !
على الأقل اترك لبنتك فرصة تحقق طموحها ، ودورك انت في مراقبة حجابها ونصحها وتذكيرها دائماً بعدم الخضوع بالقول
أحب أنوّه لشي ، فيه فرق بين مهنة الطب ومهنة التمريض
أنا أتكلم عن الطب تحديداً
يعني بالله طببة درست جسم الإنسان بالتفصيل ، وعرفت أشياء دقيقة من الصعب الواحد يعرفها
اكتشفت معجزات ، أتوقع أغلب الطبيبات أكبر من إنها تهتم بهالأشياء التافهة
أنا أتكلم طبعاً من تجربة وناس عاشرتهم وخالطتهم
وقبل ما اطلع احب اقول شي بسيط
وحدة من قريباتي بالجامعة قسمها طب
وماشاء الله تبارك الله حجابها أحسن من كثير منا
وأخيراً
اللي في رأسه اختلاط وبلاوي بيلقاها بكل مكان
واللي براسه خدمة دينه ووطنه ، يقدر يحافظ على نفسه وعلى دينه لو كان بين أشرّ أهل الأرض
ام العنود
06-10-2009, 08:53 AM
انا معك بس هذا مجتمعنا بس كيف كان والحين كيف يعني كل شي حيتغير بس يبيله صبر والرجال حبه حبه يتفتحوا ويقتنعوا
ام ايلان
06-10-2009, 05:37 PM
أنا راي في الموضوع اميل الي رأي اختي مامثلي احد
وأختلف مع ذاكوين والبندري في بعض الاشياء
اولا الطب يختلف عن التمريض ابنة عمي من عائله محافظه جدا وهي ملتزمه
وما تشوفين من جسمها اي شي طالع
ومع هذا هي طبيبه وتقولنا اش يصير في المستشفيات
عن الممرضات بالتحديد
ليه الممرضات بالذات ؟
انا بقولكم ليه
لأن الممرضات يشتغلون مع الدكاتره في نفس الغرفه بعض الاحيان ويكونون لوحدهم
وبعض الممرضات قمه في الادب والاحترام لكن تجي مع دكتور مايخاف الله
وماتسلم من تحرشاته
وبعض الممرضات زي ماقالت البندري قالبين المستشفي
حفله بالاصوات والعيون مكياج والحواجب اشكال والوان لدرجة ان بعضهم
تحط ميك اب علي الاماكن الباينه يعني العيون بس

اما ليه يرفضون الاهالي ان بناتهم يدخلون الطب انامن وجهة نضري لو بنتي ارادت الطب ماراح ارفض حتى ولو افتح لها عياده خاصه اذا شفت ان المستشفي يشكل عليها خطر
وانا اشوف ان العيادات الخاصه حل لهذي المشكله
صح موكل الناس تقدر تروح خاص لكن بدل مانحرم بناتنا من طموحهم
نشوف لهم حل
لكن التمريض مستحيل اوافق

اختي مامثلي أحد
موضوع في قمة الروعه
لاتحرميننا من ابداعاتك
وفقك الله
ƬƕE QЏƎƎŊ
06-12-2009, 03:56 AM
ملاحظه ان كلكم تتكلمون عن هالشي بعد الدراسه وانها تتوظف بمكان نسائي
متجاهلين بداية الدراسه قبل التوظف
تدرس مع مين ؟؟؟؟؟


انا مابنيت نظرتي الا من اقرب صديقاتي وهي حاليا تدرس طب
وتعلمني شلون دراستهم وحتى انها تورطت بهالقسم بسبب الاختلاط

المشكله مو بعد التخرج المشكله بطريقة دراستهم
لنفرض دراستهم مافيها اختلاط بكون انا اول المؤيدين لهالشي
وبالعكس تقدر تفتح لها لو مستشفى نسائي وتاخذ رحتها
وتقدر بعد تلتزم بحاجبها وتكون مثال رائع للكل

ياليت الكل يفكر بالموضوع من جميع الجوانب
ام ايلان
06-12-2009, 04:48 AM
ملاحظه ان كلكم تتكلمون عن هالشي بعد الدراسه وانها تتوظف بمكان نسائي

متجاهلين بداية الدراسه قبل التوظف
تدرس مع مين ؟؟؟؟؟


انا مابنيت نظرتي الا من اقرب صديقاتي وهي حاليا تدرس طب
وتعلمني شلون دراستهم وحتى انها تورطت بهالقسم بسبب الاختلاط

المشكله مو بعد التخرج المشكله بطريقة دراستهم
لنفرض دراستهم مافيها اختلاط بكون انا اول المؤيدين لهالشي
وبالعكس تقدر تفتح لها لو مستشفى نسائي وتاخذ رحتها
وتقدر بعد تلتزم بحاجبها وتكون مثال رائع للكل


ياليت الكل يفكر بالموضوع من جميع الجوانب


يمكن مو كل الجامعات زي بعض علي حد علمي
لكن في بعض الجامعات يكون فيها مواد مختلطه لكن البنات يدخلون القاعه قبل الاولاد
وتكون مقاعدهم الخلفيه وبعدين يجلسون الشباب في الامام ويطلعون قبل البنات
والبنت المحتشمه مأحد يقدر يتعرض لها
وبعض الجامعات الطالبات يدرسون لوحدهم مافيه اي اختلاط
وأنا معاك ان فيها بلاوي
لكن الزمن هاذا كل شي فيه بلاوي ومصايب
حتي التعليم العادي ماسلم
لكن نقول الله يكفينا شر البلاوي
وشكر
مامثليـ أحد
06-12-2009, 05:33 AM
معليش ملوكه انا اخالفك الرأي
مااقولك انه صديقتك كذابه ومافي اختلاط انا مااعرف وش الجامعه اللي هي تدرس فيها
بس ثلاث من قريباتي درسوا طب ومافي في دراستهم اختلاط
بالعكس هم ياخذون المحاظرات وبوقت معين تفضى القاعات من كل البنات ويجون بعدهم الشباب مافي بدراستهم اختلاط ابدا
الاختلاط مايبدا الا وقت التطبيق وبعدين بالوظيفه اما بالدراسه ماافي اختلاط ابدا


وقلت قبل كذا هم ماقاعدين يختلطون عبث
واللي في رأسه اختلاط وبلاوي بيلقاها بكل مكان
واللي براسه خدمة دينه ووطنه ، يقدر يحافظ على نفسه وعلى دينه لو كان بين أشرّ أهل الأرض
ƬƕE QЏƎƎŊ
06-13-2009, 07:34 AM
والله مدري عن جامعتكم بس حنا دراستنا مثل طريقة ام ايلان تقريبا

والله يكبت الي فيه خير لنا لاخرتنا قبل دنيانا
دانة نجد
06-14-2009, 02:36 AM
الله طب
كانت امنيتي اكون طبيبة من صغري
بس اهلي طلعو الفكرة من راسي "ممنوع"
وانا اوافق الفتاة الذكية الي تخاف على نفسها ودينها انها تدخل طب مافيه مشكلةطبعا "بشرط الالتزام والحشمة"
الله يسترنا فوق الارض وتحت الارض ويوم العرض ويستر على طبيباتنا ويوفقهم يارب
й3σỞoмн
06-14-2009, 10:10 PM
انا صرراحه رايي مع مامثلي احد احنا بوقت بحاجه للعنصر النسائي في مجال الطب
اكثر من اي مجالو خاصة بالاقسام النساء والولاده والله انا بنت عمي ماشاءالله ممرضة ورئيسة
قسم ومحترمه نفسها وفووق الكل يوقف لها باحترام وعارف حدوده معاها يعني العله ماهو
في الاختلاط العله في الناس اللي تشتغل بهالمجال يعني الواحد يحترم نفسه ومكان العمل
الاهو فيه وصدقوني اذا كل واحد مشى بشغله مارح يكون فيه اختلاط زي ماحنا شايفين
ومفكرين بس كل واحد ويعتمد على اسلوبه والمجتمع مع الزمن بتغير

ومشكووره مامثلي احد عالموضوع 000
مامثليـ أحد
06-15-2009, 02:05 AM
يسلموووو يالغاليات ع مروركم والله يوفقنا ويوفق جميع المسلمين للي فيه الخير

لدنيتنا واخرتنا
المتميــز
07-07-2009, 05:02 AM
هي اكيد صعبه لاكن صدقوني مع الايام راح تكون عااادي .